સંયમી ચહેરા પર નો તીખો સવાલ છું
ધીમો છું ભલે અકળ સમય ની ચાલ છું
મારા જેવો સરળ ક્યાં રહેવા દીધો મને
તારાથી વધુ મુત્સદ્દી હું આજકાલ છું
તારા આંધળા શહેર માં ભૂલો પડ્યો છું
સરનામાં વગર ની અભણ ટપાલ છું
તારી લાગણી થી એની ઈંટ નહિ ખરે
હું સરકારી ધારા -ધોરણો ની દીવાલ છું
ના રાખ શંકા મારી સમર્થતા માટે
છે તીર-તલવાર તું તો હું પણ ઢાલ છું
ટપાલ ટીકીટ ના સંગ્રહ સમો છું
મુલ્યવાન છું ભલે વીતેલી કાલ છું
'સપ્ત ' હિમાંશુ પરમાર
'સપ્ત ' હિમાંશુ પરમાર