જાણું છું હું વર્ષો થી એ શ્વાસ ને
હરદમ તારા હોવાના અહેસાસને .
નસ-નસમાં ઉતરી લોહીમાં વણાય છે
સીંચે છે જિંદગી યાદો ની લાશને.
રાખો નહી જીવલેણ હોઠોની ક્ષિતિજ માં
નક્કર સ્મિતની મધમધતી સુવાસ ને.
સ્પર્શો તમે તો થાય ફળદ્રુપ હવે
કરચલી જેમ મારામાં ભળી પીળાશ ને .
આશ્લેષમાં લ્યો ટળવળતા આંસુઓ
કંઈ કળ વળે આંખોની સળગતી ભીનાશને.
અંધારા વિસ્તર્યા છે ધબકારા સુધી
ફૂંકી તિખારો પાથરો ઉરે ઉજાસને.
ક્યારેય કોઈ પર ના મૂકી શકું
એટલી વાર તોડો 'સપ્ત'ના વિશ્વાસને
'સપ્ત' હિમાંશુ પરમાર
