બોલ હવે હું તને છોડી ક્યાં જઈશ ?
મેં કરેલા આપઘાતો ગણી ક્યાં જઈશ?
તે એક ઘા માં વીંધી નાખી છે એ
હું લોહીલુહાણ લાગણી લઇ ક્યાં જઈશ?
સમજ્યા તમારા માટે એ રમત હતી
પણ હું હારેલી જિંદગી લઇ ક્યાં જઈશ?
હું મારી નજીક પણ ફરકી શકતો નથી
આ બધા પ્રશ્નો, માંગણી લઇ ક્યાં જઈશ?
જેને જાહેર માં તમે ઠેબે ચડાવી છે
તમન્નાઓ સઘળી આંધળી લઇ ક્યાં જઈશ ?
મુઠ્ઠીભર હતા ને, રસ્તે ભૂલો પડી ગયો
ખૂટી ગયા શ્વાસ હવે પાછો વળી ક્યાં જઈશ ?
કર મહેરબાની ને ઝાળાં સંકેલી લે હવે
પૂરો ફસાયો છું હવે નીકળી ક્યાં જઈશ ?
એમાં ભલાઈ કે તારું દર્દ નક્કર રહે
ચોધાર આંસુ ની જેમ પીગળી ક્યાં જઈશ?
સપ્ત હાર્યો છે બસ એક વિશ્વાસ ને કારણ
છેવટે તું તારા શ્વાસ ને છળી ક્યાં જઈશ ?
'સપ્ત' હિમાંશુ પરમાર
'સપ્ત' હિમાંશુ પરમાર